Зvрхэнд чинь цурам байгаа
Зvvн талаас салхилвал тэр эргэж асна.
Задгай тэр нурмыг гуниг гэв, vхэл гэе.

2007 11 29,


Зуухандаа цучил өргөж хэдэн дурсамжаа
Зугуухнаар хийгээд тагийг нь хаав
Зуны үнэр, зулзаган хусны өнгө
Зул мэт бодолд бадамлаад тэр бөхөв
Нисваанис хэнээтэн, ягаан гажид сэхээтэн
Нимбэг амттай ганцаардлаар дэгжирхэж
Нинжин сэтгэлийн төлөөсгүй хийсэвч
Никитон халилтай цэмцгэнэсэн залуу байлаа би.
Намуухан урсах голын урсхалд шүлэг бичжээ тэр үед
Намар шиг л байгаа янзаараа амьдарч үхнэ гэж
Нандигнан хайрлалгүй үдсэн өдөр хоногуудад
Нойтон навчны дор гүзээлзгэнэ нуугдаад үлдсэн байна
Нил цэцэгний үнэр цоролзох галнаас агшинаа амиллаа
Нэг зүүдний амьдралаас хагацаж миний санаанаас замхарлаа.