жил минь гарав, онд оров
жирийн дэлхийн эргэлтийг
жижиглэж арван хоёр хуваасны
жир биш туулайтны эргэлтэд оров
хөөрхий тэр чандаганаас мэндлэгсэд
хэцүүдэх вий
огторгуйг бас хэд хэрчээд
орд бүс нутгуудад хуваасан гэнэ
ондоо төрлийн хүмүүс тэндээс төрдөг гэлцэнэ
огтоно бас орд, жилтэй л байх даа
гэмгүй тэр амьтад бүгд хүнээс өөрийг бодоход
гэгээрчихсэн юм биш үү, бидний хүсдэгчлэн
Галсансүхийн бурхантай хүүрнэсэн зөвлөгөөг
гай нь таараад би уншиж орхив